ದೊಡ್ಡಬಳ್ಳಾಪುರ ಲಾಡ್ಜ್ ನಲ್ಲಿ ವಿವಾಹಿತ ಮಹಿಳೆ ಶವಪತ್ತೆ

ದೊಡ್ಡಬಳ್ಳಾಪುರ : ನಗರದ ಲಾಡ್ಜ್ ನಲ್ಲಿ ವಿವಾಹಿತ ಮಹಿಳೆಯ ಶವ ಪತ್ತೆಯಾಗಿದ್ದು ಸ್ಥಳಕ್ಕೆ ದೊಡ್ಡಬಳ್ಳಾಪುರ ನಗರ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಮೃತ ಮಹಿಳೆಯನ್ನ ವಿದ್ಯಾ (21) ಎಂದು ಗುರುತಿಸಿಲಾಗಿದೆ, ಗೌರಿಬಿದನೂರು ತಾಲೂಕಿನ ಮುದಗೆರೆಯ ನಿವಾಸಿಯಾಗಿದ್ದ ಈಕೆ ಫಾಕ್ಸ್ ಕಾನ್ ಕಂಪನಿಯ ಉದ್ಯೋಗಿಯಾಗಿದ್ದಳು ಎಂದು ತಿಳಿದು ಬಂದಿದೆ. ಮುದಗೆರೆ ಗ್ರಾಮದ ಆನಂದ್ ಎಂಬುವರನ್ನು ಮದುವೆಯಾಗಿದ್ದು, ಇಬ್ಬರು ನಡುವೆ ಹೊಂದಾಣಿಕೆ ಇಲ್ಲದ ಕಾರಣದಿಂದ ಇಬ್ಬರು ಬೇರೆಯಾಗಿ ವಾಸವಾಗಿದ್ದರು.

ನಿನ್ನೆ ಬೆಳಗ್ಗೆ 11:48 ರ ಸಮಯದಲ್ಲಿ ಗಂಡನ ಜೊತೆಯಲ್ಲಿ ಲಾಡ್ಜ್ ಒಳಗೆ ಹೋಗಿರುವ ದೃಶ್ಯ ಸಿಸಿ ಕ್ಯಾಮಾರದಲ್ಲಿ ಸೆರೆಯಾಗಿದೆ. ಲಾಡ್ಜ್ ರೂಮ್ ನಲ್ಲಿ ಗಂಡ-ಹೆಂಡತಿ ನಡುವೆ ಜಗಳವಾಗಿರುವ ಸಾಧ್ಯತೆ ಇದ್ದು, ಗಂಡ ಆನಂದ್ ಕೊಲೆ ಮಾಡಿರುವ ಸಂಶಯ ವ್ಯಕ್ತವಾಗಿದೆ, ಘಟನೆ ಸಂಬಂಧ ದೊಡ್ಡಬಳ್ಳಾಪುರ ನಗರ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.