Credence Book Of World Record: 4ನೇ ತರಗತಿ ಬಾಲಕಿ ವಿಶ್ವದಾಖಲೆ, ಸ್ಮತಿ ಸಾಧನೆಗೆ ಮೆಚ್ಚುಗೆ

ಯಲಹಂಕ: ಒಂದು ನಿಮಿಷದಲ್ಲಿ 90 ಸೈಡ್​ ಸಿಟ್​ ಅಪ್ಸ್​ ಮಾಡುವ ಮೂಲಕ 4ನೇ ತರಗತಿಯ ಸ್ಮೃತಿ ಎಸ್.ಎಂ ಎಂಬ ಬಾಲಕಿ ಕ್ರೆಡೆನ್ಸ್​ ಬುಕ್​ ಆಫ್​ ವರ್ಲ್ಡ್​ ರೆಕಾರ್ಡ್​ ಸಾಧನೆಯನ್ನು ಮಾಡಿ ಜನ ಮೆಚ್ಚುಗೆ ಗಳಿಸಿದ್ದಾಳೆ.

ಮಾರ್ಚ್​ 19, 2025 ರಂದು ನಡೆದ ಟೈಕೊಂಡೋ ಕ್ರೀಡಾಕೂಟದ ಭಾಗವಾಗಿ ಒಂದು ನಿಮಿಷದಲ್ಲಿ 90 ಸೈಡ್​ ಸಿಟಪ್ಸ್​ ಮಾಡುವ ಮೂಲಕ ಕ್ರೆಡೆನ್ಸ್​ ಬುಕ್​ ಆಫ್​ ವರ್ಲ್ಡ್​ ರೆಕಾರ್ಡ್​ ದಾಖಲೆ ಮಾಡಿದ್ದು, ಇದೀಗ ಕ್ರೆಡೆನ್ಸ್​ ಸಂಸ್ಥೆಯು ಬಾಲಕಿಯ ಸಾಧನೆಯನ್ನು ಅಧಿಕೃತವಾಗಿ ಘೋಷಣೆ ಮಾಡಿದೆ.

ನೆಲಮಂಗಲ ಮೂಲದ ಸಿದ್ದ ಮುನಿಯಪ್ಪ ಮತ್ತು ಮಂಜುಳ ದಂಪತಿಯ ಮಗಳಾದ ಸ್ಮೃತಿ, ಯಲಹಂಕದ ಸಿಆರ್​ಪಿಎಫ್​ ಕೇಂದ್ರೀಯ ವಿದ್ಯಾಲಯದಲ್ಲಿ 4ನೇ ತರಗತಿ ಓದುತ್ತಿದ್ದು ಟೈಕೊಂಡೋ ತರಬೇತುದಾರ ಡಾ.ಕೃಷ್ಣ ಚೈತನ್ಯ ಅವರ ಮಾರ್ಗದರ್ಶನದಲ್ಲಿ ತರಬೇತಿ ಪಡೆದು ವಿಶ್ವದಾಖಲೆ ನಿರ್ಮಿಸಿದ್ದಾರೆ.

ಸ್ಮೃತಿ ಈ ಸಾಧನೆಗೆ ಪೋಷಕರು, ತರಬೇತುದಾರರು ಸೇರಿದಂತೆ ಸ್ಥಳೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇತ್ತೀಚಿನ ಸುದ್ದಿ