Doddaballapura: ಅದ್ದೂರಿಯಾಗಿ ನೆರವೇರಿದ ಸ್ವಯಂಭುವೇಶ್ವರ ಸ್ವಾಮಿ ಬ್ರಹ್ಮರಥೋತ್ಸವ

ದೊಡ್ಡಬಳ್ಳಾಪುರ: ನಗರದ ಸೊಮೇಶ್ವರ ದೇವಾಲಯದಲ್ಲಿ ಇಂದು ಸ್ವಯಂಭೂವೇಶ್ವರ ಸ್ವಾಮಿಯವರ ಬ್ರಹ್ಮರಥೋತ್ಸವವು ಅದ್ದೂರಿಯಾಗಿ ನೆರವೇರಿತು.

ಮಧ್ಯಾಹ್ನ 12 ರಿಂದ 1ರೊಳಗೆ ಸಲ್ಲುವ ಶುಭ ಅಭಿಜನ್​ ಮುಹೂರ್ಥದಲ್ಲಿ ಗಿರಿಜಾ ಸಮೇತ ಸ್ವಯಂಭುವೇಶ್ವರ ಸ್ವಾಮಿ ಬ್ರಹ್ಮರಥೋತ್ಸವವು ನೆರವೇರಿತು. ನಗರದ ಸೋಮೇಶ್ವರ ದೇವಾಲಯ ಬೀದಿಯಲ್ಲಿ ರಥವು ಸಾಗಿತ್ತು. ಈ ಉತ್ಸವದಲ್ಲಿ ನಗರದ ದೇಶದ ಪೇಟೆ ವೀರ ಶೈವ ಸಂಘದ ಸದಸ್ಯರು ಸೇರಿದಂತೆ ತಾಲ್ಲೂಕಿನ ಭಕ್ತರು ಉತ್ಸಾಹದಿಂದ ಭಾಗವಹಿಸಿದ್ದರು.

ಇಂದು ಸಂಜೆ ಕಲಶಾರಾಧನೆ, ನಿತ್ಯಹೋಮ, ಬಲಿಪ್ರಧಾನ, ಧೂಳೋತ್ಸವ, ಅಷ್ಟವಧಾನ ಸೇವೆ, ಮಹಾಮಂಗಳಾರತಿ, ತಿರ್ಥಪ್ರಸಾದ ವಿನಿಯೋಗ ನಡೆಯಲಿದೆ.

ಏಪ್ರಿಲ್​ 10 ರಿಂದ ಆರಂಭವಾದ ಉತ್ಸವಗಳು ಏಪ್ರಿಲ್​ 19ರ ಸಂಜೆ ನಡೆಯಲಿರುವ ಪ್ರಕಾರೋತ್ಸವದೊಂದಿಗೆ ಮುಕ್ತಾಯವಾಗಲಿದೆ.