PrajaBharat : ಕನ್ನಡ ಮಾಧ್ಯಮ ಲೋಕಕ್ಕೆ ಪ್ರಜಾ ಭಾರತ್ ವೆಬ್ ಪೋರ್ಟಲ್ ಲೋಕಾರ್ಪಣೆ
ರಾಜ್ಯಸ್ಥಳೀಯ ಸುದ್ದಿರಾಜಕೀಯ
ಕನ್ನಡ ಮಾಧ್ಯಮ ಲೋಕಕ್ಕೆ ಇಂದಿನಿಂದ (ಏಪ್ರಿಲ್.06) ಡಿಜಿಟಲ್ ಅವತರಣಿಕೆಯ ಮೂಲಕ ನಮ್ಮ ಪ್ರಜಾ ಭಾರತ್ ಎಂಬ ನೂತನ ನ್ಯೂಸ್ ವೆಬ್ ಪೋರ್ಟಲ್ ಪಾದಾರ್ಪಣೆ ಮಾಡುತ್ತಿದೆ.
ಬರೆದು ಬದುಕುತ್ತ ಬಂದವರು ನಾವು. ಹಿಂದೆ ಟಿವಿ, ನಂತರ ಪತ್ರಿಕೆ, ಡಿಜಿಟಲ್ ಮಾಧ್ಯಮಗಳಲ್ಲಿ ಕೆಲಸ ಮಾಡಿ ಇದೀಗ ನಮ್ಮದೇ ವೆಬ್ ಪೋರ್ಟಲ್ ಮೂಲಕ ಲೇಖನಿ ಹಿಡಿದು ಬರಬೇಕು. ಮಾತಾಡಬೇಕು, ನಮ್ಮ ತಿಳಿವಿನ ಆಳ ಹರಡುತ್ತ ಸಾಗಬೇಕು ಎಂಬುದೇ ಪ್ರಜಾ ಭಾರತ್ ನ ಮುಖ್ಯ ಉದ್ದೇಶವಾಗಿದೆ.
ರಾಜ್ಯದ ಜನತೆಯ ಮನೆ ಮಾತಾಗಿರುವ “ಟಿವಿ9 ಕನ್ನಡ, ಉದಯಾ ಟಿವಿ, ಸಮಯ ನ್ಯೂಸ್, ಈಟಿವಿ, ಸುದ್ದಿ ಟಿವಿ, ಟಿವಿ5 ಕನ್ನಡ, ಪವರ್ ಟಿವಿ” ದೃಶ್ಯ ಮಾಧ್ಯಮಗಳೂ ಸೇರಿದಂತೆ ನಾಡಿನ ನೆಚ್ಚಿನ ದಿನಪತ್ರಿಕೆಗಳಾದ ಸಂಯುಕ್ತ ಕರ್ನಾಟಕ, ವಿಜಯವಾಣಿ ಪತ್ರಿಕೆಗಳಲ್ಲಿ ಕೆಲಕಾಲ ವರದಿಗಾರರಾಗಿ, ರಾ.ನಗರವಾಣಿ ದಿನಪತ್ರಿಕೆಯಲ್ಲಿ ಜಿಲ್ಲಾ ವರದಿಗಾರರಾಗಿ, ಬಳಿಕ ನ್ಯೂಸ್ ಏಜೆನ್ಸಿ (UNI) ಯಲ್ಲಿ ಹಿರಿಯ ವರದಿಗಾರರಾಗಿ ಕೆಲಸ ಮಾಡಿ ಇದೀಗ ನಮ್ಮದೇ ಆದ ಪ್ರಜಾ ಭಾರತ್ ವೇದಿಕೆ ಸೃಷ್ಟಿಸಿಕೊಂಡು ನಿಮ್ಮ ಮುಂದೆ ಬರುತ್ತಿದ್ದೇವೆ.
ಪ್ರಜಾ ಭಾರತ್ ಒಂದು ಹೊಸ ವೇದಿಕೆ. ಇದನ್ನು ನಿಮ್ಮ ವೇದಿಕೆಯನ್ನಾಗಿಸುವುದು ನಮ್ಮಗುರಿ. ಪ್ರಜಾಭಾರತ್ ಬದಲಾದ ಕಾಲಘಟ್ಟದಲ್ಲಿ ನಮ್ಮೆಲ್ಲರ ಆತ್ಮಸಾಕ್ಷಿಗಳನ್ನು ಬಡಿದು ಏಳಿಸುವ ವೇದಿಕೆ. ಸತ್ಯಕ್ಕಾಗಿ ಹಂಬಲಿಸುವ ವೇದಿಕೆ. ಸದ್ಯದಲ್ಲೇ ಯೂಟ್ಯೂಬ್, ಫೇಸ್ ಬುಕ್, ಇನ್‌ಸ್ಟಾಗ್ರಾಂ, ಎಕ್ಸ್ ಹೀಗೆ ಎಲ್ಲ ಕಡೆಗಳಲ್ಲೂ ನಿಮ್ಮ ಈ ಪ್ರಜಾ ಭಾರತ್ ಇರುತ್ತದೆ. ಇದರ ಮೂಲಕವೇ ನಾವು ಮಾತನಾಡುತ್ತೇವೆ. ಮಾತಿನ ಧ್ವನಿ ಸೋಲದಂತೆ. ನಿಮ್ಮ ಎಲ್ಲ ಬಗೆಯ ಬೆಂಬಲವನ್ನೂ ಬೇಡುತ್ತೇವೆ. ಜತೆಗೆ, ನಿಂತುಕೊಳ್ಳಿ, ನಿಮಗೆ ನಿರಾಶೆಯಾಗದಂತೆ ಬದುಕುತ್ತೇವೆ.
